28. 04. 2010

režija:
Torsten Schlosser

jewišćo:
Frieder Graf j.h.

kostimy:
Bärbel Meyering

hraja:
Julija Klingnerec
Jurij Šiman j.h.
Marko Mieth

 

Almut Baumgarten

Studijo hraje čo. 5 - Lětać

Hraja elewojo serbskeho činohrajneho studija při NSLDź

Třo elewojo serbskeho činohrajneho studija při NSLDź nazwučuja tuchwilu "Studijowe hrajkanje čo.5" pod titlom "Lětać". Po wuprajenju nawody studija Torstena Schlossera, kiž bě swój čas hižo sam jako elewa w čisłomaj 1 a 2 sobuskutkował, je hra za elewow wulke wužadanje. Dyrbja so zanurić do figurow z mnohimi najwšelakorišimi problemami, kotrymž chcedźa wućeknyć.
Zaměrnje je Torsten Schlosser hru za młodostnych pytał, kiž maja młodostni sami předstajić, a to za dweju hólcow a jednu holcu. Je tež někotre hry namakał, "Lětać" pak so jemu po naroku najlěpje lubješe.
Połneho elana su so Julija Klingnerec, Marko Mět a Jurij Šiman hižo w januaru do dźěła dali. Najprjedy raz su woni zhromadnje z Torstenom Schlosserom hru sami z němčiny do serbšćiny přenjesli a so po tym hnydom do probow dali. Wjesela so, zo steja jim nimo nawody činohrajneho studija tež dalši kolegojo z dźiwadła poradźujo po boku, kaž na přikład Mirko Brankačk a Heike Ostendorp. Wažna je tež podpěra Drježdźanskeho pantomimy Ralfa Herzoga, kiž dawa elewam wosebje při scenach lětanja dobre pokiwy.
Wo čim hra jedna, so njehodźi jenož z někotrymi sadami wopisować. Torsten Schlosser jenož telko přeradźi, zo chcedźa so Fil, Jo a Lina ze swojich problemow wuswobodźić, kotrež jich doma a samo w cyłej socialnej wokolinje poćežuja. Su to problemy, z kotrymiž so na najwšelakoriše wašnje rozestajeja. Chcedźa preč lećeć. Lětać w tutej hrě rěka, zo młodźi ludźo na dwórnišću na přijěducy ćah skoča a na nim sobu surfuja. Z tym wotbudźa ćišć a so wuswobodźa ...
Hra je za přihladowarjow wot 14 lět a za wšitkich dorosćenych, kiž chcedźa problemy młodych ludźi zeznać a wědźeć, kak so młodym ludźom dźensniši dźeń wjedźe, kak so čuja a kak mysla.

 


terminy:

 

Na facebook doporučić / Doporučenje z e-mail rozpósłać:
 

homeStartowa strona | ImpressumImpresum | WebmasterPowģsę na webmastera

zmģnjene: so 02.03.2012 w 10:00 hodź.