Greta

von Daniel Ratthei
napisał Daniel Ratthei, přełožiła Lubina Hajduk-Veljkovićowa
Činohrajny studijo při NSLDź - Studijo hraje čo.15
Runje hakle je so „njesłowo lěta 2019“ wuzwoliło: klimowa hysterija.
Haj a wšitcy wědźa čehodla, dokelž wšón swět zwjazuje tole z jednej wosobu – wona bě wobličo lěta 2019 – Greta Thunberg, kotraž sama na sebi hysteriska njeje, ale je ze swojim wustupowanjom wšelkich hysteriskich sčiniła? Chrobła 16lětna holca zetkawa so politikarjemi po wšěm swěće, napomina a diskutuje wo klimowych zrěčenjach. Ale kak reaguje politika, hdyž jej młoda generacija zwrěšćenje wumjetuje? Grećiny wotmysł je jednory a tola komplikowany. Wona sej žada, zo maja dźěći a młodostni prawo na lěpši přichod, na ćisćiši powětr, na klimu, kotraž je znjesliwa atd. To komplikowane při tym je, zo njecha nichtó swoju komfortowu conu spušćić, kaž awto a luksus wšědneho dnja. Z dobreho wotmysła nasta samo hida přećiwo tutej holcy a rěči so samo wo eko-diktaturje. Wona sama je z demonstracijemi w Stockholmje započała, mjeztym su „Fridays for future“ globalny zjaw. Šulerjo stawkuja wosrjedź šulskeho časa. A to je tež zaso tajka tema za sebje. Smědźa wone to? Štó jich wuswobodźi a to zamołwi? Kotre sćěhi ma to za šulski čas, wukony, censurowanje?

Daniel Ratthei, młody Choćebuski awtor je napisał načasnu hru „Greta“, kotraž měješe hakle spočatk nowembra 2019 prapremjeru. W njej wěnuje so tójšto temam tohole hibanja. W srjedźišću steji holca Annegret, kotruž maja někotři za swoju Gretu. Wona chodźi tež na pjatkowniše demonstracije, so ze staršimi a šulu rozestaja, ze sprawnosću, z lubosću a štó poprawom je. Za nju staja so prašenje: Što je wažniše, šula abo naš planet? A dyrbiš so scyła za něšto rozsudźić? Nawjazujo na njesłowo lěta je zajimawe, zo maja w Šwicarskej skerje neutralniše słowo lěta a te běše w lěće 2019: klimowa młodźina.

pedagogiski přewod: Julia Jankowscyna a Katarzyna Kudzewicz

inscenacija

Regie:
Ausstattung:
Dramaturgie:
Simultanübersetzung: Julia Jankowsky
Premiere: 4. März 2020, Burgtheater, kleiner Saal

termin

24.04.2020 um 19:30 hodź. Burgtheater, großer Saal Karten bestellen

Rollen

Greta: Maria-Helena Bretschneider
Ingrid u.a.: Katja Rehor
Hannes u.a.: Clemens Bobke

« wróćo