Horce plincy (Landeier)

Landeier - Bauern suchen Frauen
komedija wot Frederika Holtkampa
zeserbšćiła Lubina Hajduk-Veljkovićowa
W zanjesenym hnězdźe, daloko preč wot wulkoměšćanskeho hołka a tołka, žiworja mjez wowcami, swinjemi a bio-morchejemi spokojni burja. Wšako knježi na wsy boži měr a durje wjesneje korčmy steja wšědnje wotewrjene. Tu so zetkawaja na kartyplacanje a bachtanje. Tola idylka to žana njeje, wša spokojnosć ma swoju hranicu, horicont je tak rjec pusty, dokelž to najwažniše pobrachuje: žony. Hač z nawěškom w regionalnej nowinje abo pola partnerskeje agentury w Rumunskej, wšě pospyty žonu namakać wostanu njewuspěšne. Přesadźowanje na přichodnym wjesnym swjedźenju tež žana opcija njeje. Tuž dyrbja so moderne a globalne puće kročić - haleluja internet! Ale štó žno ma zdaće wo tym, što so žonam lubi a kajki maš być, zo by jednu namakał? Ćežke prašenje, hač k tomu dnjej, jako so njejapcy dwě do korčmy njezabłudźitej. Jimaj počina so mjez nježenjencami lubić a skónčnje wozmjetej problem samotnych burikow do horšće a zdobom režiju při natočenju wuspěch lubjacych youtube-widejow.
K bječenju struchła situacija samotnych burow na wsy so jako přewšo žortna komedija wukopa, wšako je awtor swoje figury do dialogow spletł, kiž njeby žiwjenje lěpje pisać móhło.

inscenacija

Regie: Rosmarie Vogtenhuber
Ausstattung: Franz Gronemeyer
Dramaturgie:
Simultanübersetzung:
Premiere: 26. September 2020 im Burgtheater, großer Saal

termin


« wróćo