Měrko Brankačk

Schauspieler

Měrko Brankačk so w Budyšinje narodźi a tu wotrosće. Studowaše w Bochumje a Lipsku dźiwadłowe wědomosće a hraješe potom w „Dźiwadle młodeho swěta“ w Lipsku. Wot hrajneje doby 2002/03 skutkuje w ansamblu Budyskeho NSLDź. Nawjeduje Młodźinske dźiwadło Serbskeho gymnazija při NSLDź a dźěła z dźiwadłowymaj skupinomaj w Załomju a Tšupcu hromadźe.

 Što běše najnjewšědniše, štož sće na jewišću předstajił?

 Hodownu stawiznu. W njej mějach 32 rólow hrać.

 Što bě za Was najłoskoćiwiša situacija na jewišću?

W hrě „Frau Müller muss weg“ knjeni Müllerowa wěčnje na jewišćo njepřińdźe. A njewědźachmy, hdźe tči. Tuž počachmy improwizować. Impowizowanje so mi w tajkich chwilach njemóžnje lubi. Dyrbiš w swojej róli wostać a dyrbiš atmosferu zachować. Knjeni Müllerowa běše hišće w garderobje a kolegina je ju potom wołała.

  Wo kotrym powołanju sće jako mały šuler sonił?

 Chcych w Kanadźe štomy pušćeć.

 

« wróćo