Thomas Cyž

Schauspieler

Tomaš Cyž so w Stróžišću blisko Budyšina narodźi. Wot dźesateho žiwjenskeho lěta sem wotrosće w Drježdźanach, hdźež w hólčim chórje spěwaše. Studij dźiwadźelenja absolwowaše na Wysokej šuli za hudźbu a dźiwadło „Felix Mendelssohn Bartholdy“ w Lipsku. 1986 bu z čłonom Budyskeho hudźbneho dźiwadła a po tym studowaše w Drježdźanach spěw, doniž so w hrajnej dobje 1996/97 do Budyskeho NSLDź njenawróći. Wot 2009 nawjeduje Chróšćansku lajsku dźiwadłowu skupinu.

Kak sće so k dźiwadźelenju dóstał?

To sym přeco hižo chcył, hižo jako dźěćo!

Hdźe a kak so Wam teksty najlěpje wuknu?

Hdyž mam wulki tekst, sej jón najprjedy na pask rěču. To je dosć dobra wěcka, hdyž nimaš partnera, z kotrymž hraješ, na přikład při monolognych kruchach.

A wo kotrym powołanju sće jako zakładny šuler sonił?

Dźiwadźelnik abo spěwar. Sym pak potom najprjedy blidar wuknył.

 

« wróćo