Deutsch-Sorbisches Volkstheater Bautzen – Němsko-Serbske ludowe dźiwadło Bautzen

dźiwadźelnik, režiser, dźiwadłowy awtor a dźiwadłowy stawiznar 1963 słušeše k załožerskim čłonam NSLDź

Ze swojim wuměłskim skutkowanjom w němčinje a serbšćinje profil NSLDź jako dźiwadźelnik a režiser přez lěta bytostnje postajowaše. Hraješe dokładnje 199 rólow, inscenowaše 50 hrow w serbšćinje a němčinje. Jako załožer a dołholětny nawoda Młodźinskeho dźiwadła Serbskeho gymnazija (załoženeho 1992) a Serbskeho činohrajneho studija (załoženeho 1994) zdoby sej wulke zasłužby wo zdobywanje wuměłskeho dorosta za serbske powołanske dźiwadło.

Jako awtor wusahowaše Michał Lorenc za swój aktiwny čas jako dźiwadźelnik wosebje z tym, zo wobdźěłowaše kopicu kruchow a zestajowaše programy. Za swjedźenski spis k 1000. jubilejej prěnjeho naspomnjenja města Budyšina zaběraše so intensiwnje ze stawiznami tudyšeho dźiwadła a spisa „Sieben Geschichten über Theater in Bautzen“.

2013 wuńdźe k 600. jubilejej dźiwadźelenja w Budyšinje nimale 600 stron wopřijacy spis „Bautzener Theatergeschichten“, za kotryž bě Michał Lorenc dlěje hač 10 lět slědźił.