Sarah Ziesch – serbske činohrajne studijo při NSLDź 2020/21
Tež w hrajnej dobje 2020/2021 poskića Němsko-Serbske ludowe dźiwadło Budyšin młodym serbskim talentam móžnosć, so w profesionalnym ramiku na a za jewišćom wupruwować.
1.9.1994 nastupi po lětdźesatkach znowa 5 serbskich elewow serbske powołanske jewišćo. Michał Lorenc, dźiwadźelnik a režiser NSLDź wozrodźi tehdy Činohrajne studijo při NSLDź, nawjazujo z tym na ideju prěnjeho intendanta Serbskeho ludoweho dźiwadła Jana Krawca, kiž bě w podobnej formje 1948 ze załoženjom SLDź serbskich dźiwadźelnikow wukubłać započinał.
W zašłych 25 lětach je dotal 41 młodych Serbowkow a Serbow swój powołanski puć po jewišću pola nas započało. 2.9.2019 započina so nowa hrajna doba w NSLDź a witamy Katju Hrjehorjec a Clemensa Bobka jako 42. a 43. elewa w našim ansamblu.
Mjez 9 serbskimi hrajerjemi při NSLDź su pjećo, kotřiž běchu něhdy elewojo našeho domu. Z tym je so ideja "swójski dorost" spěchować a po wukubłanju zdobyć, dosć derje šlachćiła.
Z mjenowanych dotalnych 41 elewow je 10 dźiwadźelenje studowało, tamni rozsudźichu so za studij sceniskeho pisanja, režije, dramaturgije, dźiwadłowych wědomosćow abo dźiwadłoweje pedagogiki. Aktualnje studuja tři Serbowki dźiwadźelenje.
