Chcu domoj \nIch will nach Hause - Heimat
dźiwadłowy spektakl z dźiwadźelenjom,reja/pohib tworjace wuměłstwo,klankodźiwadło a hudźba
Dźiwadło na hrodźe stanje so z jewišćom
Dźiwadło na hrodźe stanje so z jewišćom
Chcu domoj“ je sparty přesahowacy projekt Němsko-Serbskeho ludoweho dźiwadła. Wjedźe młodostnych z migraciskim pozadkom a bjez njeho hromadu, zo bychu so tući zhromadnje rozestajeli z aktualnymi prašenjemi wo domiznje, přisłušnosći a identiće. Štož młodostni nazhonichu, hladajo na swój pochad a pytajo za akceptancu a zrozumjenjom, twori při tym wuchadźišćo. Lokalni zwjazkarjo podpěruja projekt, kotryž dźěli so do šěsć dźěłarničkow. W činohrajnej dźěłarničce „Quo vadis, Serbja?“ rozestajeja so młodostni z přichodom serbskeje rěče a kultury. „Sym sej sam njeznaty kraj“ zwjazuje teksty wo zhubjenej domiznje a identiće z hrajerskimi srědkami. „Mjez linkomaj – Mjez swětomaj“ pozbudźuje do pisanja wo identiće, cuzoće a přisłušnosći. W dźěłarničce „Puć do domizny – Na slědach klankow“ dźe wo to, dodnić pytanje za domiznu ze samotwarjenymi klankami a objektami. Pod hesłom “Preč ze styskom!” zwuraznjeja wobdźělnicy swoje začuća a nazhonjenja z reju a pohibom. „Wobrazy domizny – Són a woprawdźitosć“ rěka dźěłarnička, kotraž zwjazuje přeća a realitu ze srědkami tworjaceho wuměłstwa.
Na prawidłownych zetkanjach so jednotliwe skupiny mjez sobu wuměnjeja. Wuslědki so w januarje 2027 w zjawnym zakónčacym spektaklu w Dźiwadle na hrodźe pokazaja.
SERBSKE MŁODŹINSKE DŹIWADŁO
Quo Vadis, Serbja?
„Quo vadis, Serbja?“ je inscenacija Serbskeho młodźinskeho dźiwadła při NSLDź za młodostnych wot 14 lět resp. wot sedmeho lětnika. W srjedźišću stejitej prašeni: Što přinjese přichod?
Kak móžemy swójski puć namakać a swoje žiwjenje wobohaćić? Hra přeprošuje młode přihladowarki a młodych přihladowarjow, wo wuwiću, rozsudach a swójskich perspektiwach rozmyslować. Dožiwiće dźiwadło z hudźbu, hrajnym wjeselom a zhromadnosću, kotrež Was pohnuwa, sobu začuwać a přemyslować. Při tym zwjazuje inscenacija wažne prašenja ze žiwymi scenami a młodźinje bliskej rěču.
Wosebje šulskim rjadownjam poskića so lochki přistup k temam, kotrež młodostnych potrjechja. Hra móže so jako wuchadźišćo rozmołwow wo přichodźe, identiće a wosobinskich přećach wužiwać.
Na prawidłownych zetkanjach so jednotliwe skupiny mjez sobu wuměnjeja. Wuslědki so w januarje 2027 w zjawnym zakónčacym spektaklu w Dźiwadle na hrodźe pokazaja.
SERBSKE MŁODŹINSKE DŹIWADŁO
Quo Vadis, Serbja?
„Quo vadis, Serbja?“ je inscenacija Serbskeho młodźinskeho dźiwadła při NSLDź za młodostnych wot 14 lět resp. wot sedmeho lětnika. W srjedźišću stejitej prašeni: Što přinjese přichod?
Kak móžemy swójski puć namakać a swoje žiwjenje wobohaćić? Hra přeprošuje młode přihladowarki a młodych přihladowarjow, wo wuwiću, rozsudach a swójskich perspektiwach rozmyslować. Dožiwiće dźiwadło z hudźbu, hrajnym wjeselom a zhromadnosću, kotrež Was pohnuwa, sobu začuwać a přemyslować. Při tym zwjazuje inscenacija wažne prašenja ze žiwymi scenami a młodźinje bliskej rěču.
Wosebje šulskim rjadownjam poskića so lochki přistup k temam, kotrež młodostnych potrjechja. Hra móže so jako wuchadźišćo rozmołwow wo přichodźe, identiće a wosobinskich přećach wužiwać.
15.01.2027
um
18:00
hodź.
Burgtheater, ganzes Haus
termin
« wróćo
