Cirkus snjow / Zirkus der Schatten

nach dem gleichnamigen Bilderbuch von Lidia Branković
pupkowe źiwadło pó wobrazkowych knigłach ze samskim titlom wót Lidije Brankovićoweje
w dolnoserbskej a nimskej rěcy

Wó swójej sni njejo Lika žednje wjele pśemyslowała. Wóna jo źe pśecej to samske gótowała ako wóna a jo pśecej pśi njej była – raz dłujka rozćěgnjona a wjelika, raz pitśku mjeńša a casy njejsy ju zewšym wiźeł. Pśiźo pak źeń, gaž se stawaju źiwnučke wěcy ze snju Liki. Ta chopi se źiwnje zaźaržaś, njegótujo wěcej to samske ako Lika. Naraz ma zazdaśim swójsku wólu a se ceło wót samego pógibujo. Nejpjerwjej jo to Lice kradu wšojadno. Ale pó casu jej ta seń bywa śěsnjeca a wóna wopytajo ju wótbyś. Bźez wuspěcha! Nichten ga njamóžo swójej sni wuběgnuś. Něnto wóna samo pó jśmje pśecej wětša bywa a wzejo Liku sobu do swójogo swěta. Ten pak njejo zewšym taki tšašny, ako jo sebje Lika mysliła. Zgromadnje woglědajotej sebje magiski cirkus, w kótaremž rejujuce sni wulicuju swóje tšojeńka. Něnto chapja wóna rozměś ...

Prědne wobrazkowe knigły wót Lidije Brankovićoweje „Das Grand Hotel der Gefühle“ su byli mjazynarodny wuspěch. Něnto su wujšli druge wobrazkowe knigły „Zirkus der Schatten“ (Cirkus snjow) wuchwaloneje awtorki a změju z dolnoserbsko-nimskim pupkowym graśim swóju źiwadłowu premjeru w Nimskej.
Pśi tom co režiser Tim Heilmann estetiski a konceptuelnje nawězaś na inscenaciju „Kralowka barwow“, kótaraž jo młody publikum zagóriła z kombinaciju zaspomliwych, poetiskich sadow w serbskej rěcy, wurazniwego graśa a intensiwnych wobrazow. Teke „Cirkus snjow / Zirkus der Schatten“ dej źiśam wót 4 lět wótwórjaś rum za fantaziju a dožywjenja, w kótaremž se ze zacuśim a grajucy spěchujotej rozměśe serbskeje rěcy a emocionalna kompetenca. Wuměłstwo senjowego graśa pśi tom, se wě, wósebnu rolu pśewzejo.
13.05.2027 um 09:30 hodź. Cottbus Piccolo Theater

termin

13.05.2027 um 09:30 hodź. Cottbus Piccolo Theater

« wróćo