Čakać na bus (Warten auf´n Bus)
von Oliver Bukowski
Zanjesene busowe zastanišćo we fiktiwnej wjesce Brězynow (Briesenow) w Braniborskej – abo cyle jednorje a prosće: něhdźe wosrjedź strukturnje so měnjaceje Łužicy, štož woznamjenja wšo druhe hač pupk swěta. Ale runje tam bjesadujetaj na bus čakacaj mužej wo žiwjenju, lubosći a wo wšěm móžnym radikalizmje. Jaknje, sprawnje, wutrobiće. Hannes a Ralf, wobaj samotarjej kónc štyrceći, staj sej busowe zastanišćo jako swoju kupu wuzwoliłoj, dokelž wšak wjesnu korčmu žno dawno wjace njedawa. Nimo toho běše tele zastanišćo scomt tej budku jeju „skakadło do swěta, won z tuteje dźěry do inteligentnišeho, wusmorkaneho žiwjenja“, jako přećelej hišće na dźěło, do města abo samo do dowola jědźeštaj. Dźensa so hižo preč njejězdźi, ale čaka, na přikład na to, štož k nimaj přijědźe – hač přizjewjeny wopyt z Berlina abo njewočakowana cwólba nacijow. Druh
Druhdy pak je to prosće jenož swětowy hołk a tołk, kiž na nimaj w myslach nimo smali, druhdy přez njeju, druhdy prěki a podłu. A potom je hišće wjeršk dnja, na kotryž wobaj wjesele, kaž dźěsći na wobradźenje čakataj, hdyž mjenujcy wěsty bus přijědźe a z nim rjana busowa šoferka Kathrin, kotraž tule na kónčnym zastanišću na přestawku zastanje.
Oliver Bukowski je „Warten auf´n Bus“ prěnjotnje jako telewizijnu seriju w dwěmaj staflomaj za rbb napisał. Wusyłanja běchu wuspěšne a tak zaćahnyštaj Hannes a Ralle tež bórze do dźiwadła, hač na zapadźe abo wuchodźe – po Bielefeldźe, Berlinje a Złym Komorowje nětko tež serbsce w Budyšinje. Jako rodźeny Choćebužan Oliver Bukowski Łužicu derje znaje. Jeho figury a temy su typiske a zdobom uniwerselne. Wón hlada ludźom do duše a na hubu.
Druhdy pak je to prosće jenož swětowy hołk a tołk, kiž na nimaj w myslach nimo smali, druhdy přez njeju, druhdy prěki a podłu. A potom je hišće wjeršk dnja, na kotryž wobaj wjesele, kaž dźěsći na wobradźenje čakataj, hdyž mjenujcy wěsty bus přijědźe a z nim rjana busowa šoferka Kathrin, kotraž tule na kónčnym zastanišću na přestawku zastanje.
Oliver Bukowski je „Warten auf´n Bus“ prěnjotnje jako telewizijnu seriju w dwěmaj staflomaj za rbb napisał. Wusyłanja běchu wuspěšne a tak zaćahnyštaj Hannes a Ralle tež bórze do dźiwadła, hač na zapadźe abo wuchodźe – po Bielefeldźe, Berlinje a Złym Komorowje nětko tež serbsce w Budyšinje. Jako rodźeny Choćebužan Oliver Bukowski Łužicu derje znaje. Jeho figury a temy su typiske a zdobom uniwerselne. Wón hlada ludźom do duše a na hubu.
13.02.2027
um
19:30
hodź.
großes Haus, Hauptbühne
termin
« wróćo
